
Славјанка Петровска
ПРАТЕНИЧКО ПРАШАЊЕ од пратеникот Славјанка Петровска, поставено на 107-та седница на Собранието на Република Северна Македонија одржана на 25 јуни 2026 година Пратеничкото прашање гласи: И третото прашање од кое бегате е. Зошто две години во Министерството за одбрана платите не се поместени. Зборувам за основната плата и не само што не се поместени, оваа година во Ребалансот барем тој што го добивме ние, не знам дали сте консултиран во делот на Министерството за одбрана, на ставката за плата и надоместоци се намалува за повеќе од 10 милиони денари. За сметка на тоа, ставката за договорни услуги се зголемува за повеќе од 40 милиони денари. Сега што ви е приоритет, договорните услуги или стандардот на вработените во Министерството за одбрана и армијата? И уште што е уште пострашно во време на сезона, ова ви беше една од најголемите пофалби, вие лично исто така од говорница кажана, за тоа колку сте ги зголемиле дотациите кон општините, а се поврзани со пожарникарите и таа ставка ви ја кратат, од 1 милијарда на 770 милиони, 230 милиони денари. Што значи тоа? Го намалувате бројот на пожарникари, го намалувате бројот на исплата во време на веќе почната сезона на пожари.