
Сања Лукаревска
ПРАТЕНИЧКО ПРАШАЊЕ од пратеникот Сања Лукаревска, поставено на 122-та седница на Собранието на Република Северна Македонија одржана на 11 септември 2026 година Пратеничкото прашање гласи: Министерке, како можевте да дозволите, учениците во едно од најбројните училишта во земјата и патем, најново, учебната година да ја започне без обезбедена редовна настава со физичко присуство. Во услови кога сите показатели укажуваат на сериозен пад на знаењето и квалитетот на образованието, вие оставивте стотини ученици без редовна и квалитетна настава. Основното училиште “Киро Глигоров“ во Центар, училиште со реноме, заради немарноста на Министерството за образование, сега сред училишна година, лични на градилиште полно со прашина. Родителите и учесниците се во шок, силно револтирани и без бараните одговори. Реагираше Општина Центар за овој преседан, за волја на вистината, и вие бевте таму на 1 септември, но наместо да дадете точни информации за проблемот, делевте лекции. Ќе направиме една хронологија со датуми, со цел да дојдам до моето конкретно прашање. На 18 февруари оваа година, потпишан е Договор меѓу Министерството за образование и Општина Центар за регулирање на меѓусебни односи при адаптација на училишна зграда, со цел овозможување на одржување настава во една смена, т.е. адаптација на постоечки простории во училиштето “Киро Глигоров“, како дел од проектот за унапредување на основното образование. И во членот 2 точно е наведено кои се вашите обврски и тоа, да се обезбеди финансиски средства за изработка на техничка документација, изведба на адаптација и надзор над работите, основен проект за адаптација, ревизија, изведувач на градежни работи, стручно технички надзор над истите и да го предадете адаптираниот дел на Општината. Општината, согласно Договорот завршила сѐ на она што се обврзала. На 5 август, имате испратено меил до неколку скопски училишта, меѓу кои што и ова училиште за да им најавите посета на 7 август и вовед во работа од страна на надлежните изведувачи и надзорот. Значи, веќе вие на 7 август знаете дека има застој, дека има проблем, нема да се завршат активностите до 1 септември. И потоа има уште еден меил од 6 август за да се достави соодветна документација. Во дописот од училиштето до Општината од 26 август стои вака, цитирам. Во согласност со одредбата за посета на училиштата и вовед во работа на ден 7 август започнаа градежни активности, со цел да се изврши адаптација на нови училници во постоечкиот простор за да се обезбеди едносменска работа на училиштето. Значи, договор потпишан во февруари, дури во август се будите и почеток на градежни активности обзнанувате. Ден пред достава на барањето за начинот на организирање на воспитно образовен процес за почеток за учебната 2026/27, од директорката на училиштето имало состанок на засегнати страни меѓу кои што имало и претставници од Министерството за образование, изведувачот, со констатација, внимавајте, од тој состанок, дека сите училници не може да бидат дел од тој воспитно образовен процес. Значи, наставата можела да се реализира во 12 училници. И на крајот од барањето до Општината се бара одобрување за учениците од прво до трето одделение да одат со физичко присуство, а останатите да следат онлајн. Одиме понатаму, 27 август до Министерството е поднесено барање од Општина за прецизирање како да се надмине проблемот со ненавременото завршување на градежните активности. Кое е решението на Министерството за образование се барало, гаранција за безбедноста на учениците и создавање услови за одвивање на настава со физичко присуство. Повторувам, Општината ги презела сите активности во рамките на своите надлежности. Особено тука треба да имаме во предвид дека одговорноста за овој преседан е комплетно ваша. И таа одговорност соодветствува со вашата изјава од 1 септември, во дворот на тоа училиште, дека ќе се заврши се во рок од две недели, или осум до девет работни дена. Тоа е некаде 14, 15 септември. Но се паѓа во вода, согласно нов допис од 9 септември до Совет на родители од директорката, каде стои дека по насоки од Министерството, од 14.09. образовниот процес за учениците од прво до петто одделение ќе биде реализиран со физичко присуство, а за учениците од шесто до деветто ќе се реализира преку средства за учење од далечина. Значи, не се враќаат сите со физичко присуство. Еве ги прашањата кои што цела јавност сака да ги знае, но и со искрен одговор без манипулации. Зошто реконструкцијата започнала на 7 август, иако станувало збор за планирани градежни работи кои можеле навремено да се организираат и во текот на летниот распуст. Зошто дозволивте преку оваа реконструкција да имаме нарушување на редовниот образовен процес. Прашањето за законската основа е тука битно. Бидејќи, во конкретниот случај нема вонредна состојба. Врз кој член од Законот тоа го направивте. Начинот на комуникација со родителите, со Советот нема јавност, нема транспарентност, нема отчетност. Моето прашање конкретно е, кој ќе понесе одговорност што учениците не ја започнаа учебната година со обезбедена редовна настава.