
Борислав Крмов
ПРАТЕНИЧКО ПРАШАЊЕ од пратеникот Борислав Крмов, поставено на 122-та седница на Собранието на Република Северна Македонија одржана на 11 септември 2026 година Пратеничкото прашање гласи: Благодарам потпретседателе. Јас моето прво пратеничко прашање значи ќе му го поставам на министерот за транспорт, Александар Николоски. Јас сакам да зборувам за состојбите во Македонија пат бидејќи директорот не можеме да го викаме затоа што, го бира и разрешува Владата. Јас како најповикан ќе го прашам значи министерот. Првата ситуација со Македонија пат е во подружницата во Штип, значи по наши, по мои информации од 28 јули до 22 август вработените немале нафта. Значи, тоа е повеќе од 25 дена, 25 дена без нафта. Значи, тие сите крупни зафати биле прекинати, за некои ситни зафати земале нафта од колегите од Кочани и значи сите машини и шофери и останати вработени сте ги праќале на принуден одмор. Значи, зборуваме за некои триесеттина луѓе кои што 30 дена не можеле фактички да си ја извршуваат својата работа затоа што, не сте им обезбедиле гориво. Понатаму, втората ситуација е со ХТЗ опрема која што огромен дел од вработените немаат уште од март 2025 година, значи од минатата година. Сега ние тука зборуваме за, тоа се специјални кациги значи специјални одела, заштитни обувки кои што имаат метален дел. Понатаму, имаат заштитни ракавици, еве за сигнализација и т.н. тие се сезонски значи одела. Значи, летна и зимска опрема, моментално огромен дел од нив немаат ништо. Значи, си работат по тренерки, по фармерки, со патики, во маички и сакам да ве потсетам министре дека ви е и законска обврска. По Законот за безбедност и здравје при работа по членот 17 алинеја 6, значи тука го имате и прекршено Законот. И, една помала забелешка, значи законски имате право да го, се уште го немате исплатено К-15 на вработените, значи регресот за годишен одмор иако законски може да го тегнете до декември. Па, ме интересира кога планирате значи да го исплатите. Моето прашање до вас е: Значи, околу сите овие три ситуации јас кои што ги опишав. Би сакал од вас значи појаснување и објаснување. Значи, тоа е моето прво прашање.